نفس الطبيعة الإدمانية دى نقدر نطبقها على معظم وسائل إشباع

نفس الطبيعة الإدمانية دى نقدر نطبقها على معظم وسائل إشباع الغرائز السريعة المنتشرة فى المجتمعات ذات النسب المتضخمة من الغرائز الغير مشبعة . يعنى لو أنا كونجلامورات “شركة ضخمة جداً ” صايع .. أنزل بلد فيها مجاعة .. و أفتح مصنع مصاصات .. المصاصة عمرها ما حتشبع .. ولا حتفيد .. بس كل الجعانين مش حلاقوا غيرها قدامهم .. و لما أبقى كونجلامورات أصيع بقى .. أنزل بلد على شفا إنها يبقى فيها مجاعة .. و ألعب فأساساتها لحد ما أسبب المجاعة فعلاً .. و بعدين أرستأ نفسى إنى أتأكد إن محدش حيأكل الناس فى البلد دى .. و اللى يفكر يأكل حد .. أسجنه و أطلعه متآمر .. .و بعدين أفتح مصنع مصاصات قومى يساهم فتوفير فرص عمل لشباب البلد .