1- فكرة .. فجأة بتنشأ جوة نافوخك .. و بسرعة

1- فكرة .. فجأة بتنشأ جوة نافوخك .. و بسرعة إنتشار النار فى الهشيم “على رأى نبيل فاروق” .. تبدأ تسيطر على تفكيرك .. 2- مرحلة التفكير العلمى المبسطة أوى أوى .. : اللى هو تبدأ تجادل و تسأل نفسك و تاخد و تدى مع نفسك فى السريع .. فتقوم إيه ؟! … تقنع نفسك .. فتحس إنك برنس كده فنفسك و يشرأب عنقك . 3- مرحلة النشر : اللى هو تروح فاتح الفيس و إنت الفكرة فدماغك لسة سخنة طازة .. و تبدأ “تتطاير أصابعك على لوحة المفاتيح .. على رأى نبيل فاروق برضو” .. و تكتب البوست المتين عن الريفيليشن الفظيع اللى إنت فجأة إكتشفته . … طيب أستأذنك سيدى القارىء فى التالى .. : بعد الخطوة رقم إتنين … خد نفس عميييييق .. … 2.1 - إقرا كتاب أو مقال أو حتى إعمل سيرش سريع على جوجل عن اللى بيدور فى دماغك . 2.2 - إقرا 2.3 - فكر فى اللى قريته .. و خد و إدى مع أفكار ناس تانية فسرك .. مش عالفيس . 2.4 - إسأل نفسك .. هو أنا حاكتب ليه عالفيس ؟!! 2.5 - إسأل نفسك كمان مرة .. أيوه يعنى هل أنا حاكتب عشان أحس إنى برنس فنفسى ؟ .. ولا عشان أفرغ عاطشفة مش لاقية مخرج ؟ … ولا عشان أفيد الناس بالإكتشاف اللوزعى اللى إكتشفته ؟ .. ولا ؟ 2.6- إكتب .. والله مش حامنعك .. بس فكراسة فاضيه الأول .. مش عالفيس .. إرضى رغبة الكتابة الدفينة اللى جواك .. بس على صفحات كراسة خاصة .. بتشيلها فى درج مكتبك .. و تقفل عليها بالمفتاح .. 2.7- خد نفس عمييييق .. و فكر فى اللى حصل ده كله تانى .. و إسأل نفسك .. أنا دلوقتى أحسن ولا أوحش من المرحلة اللى قبل اللى حصل ده ؟! 2.8- يعنى إستفدت معلومة ؟! .. إستفدت مهارة ؟ .. أفدت حد ؟ 2.9- إفتح الفيس .. و شوف كام واحد غيرك مامشيش على الخطوات دول .. و إنصحه بيهم . … ربنا يرزقنا الجنة اللى مافيهاش لغو … و الله أعلم