بقالى فترة طويلة ماكتبتش بوستات طويلة .. و ده كمان

بقالى فترة طويلة ماكتبتش بوستات طويلة .. و ده كمان مش بوست طويل .. دى هديتين صغيرين بمناسبة العيد :) :) . كنت عايز أجدد و أهادى بحاجات تانية والله .. بس الهدية دى فعالة دايماً .

الهدية الأولى :

التلات كورسات هما هما (اللى شكلى مش حلاقى وقت عشان أخليهم أربعة حتى ) اللى على يوديمى .. و كل ما تحصل مناسبة ما عندى .. أروح منزل عليهم كوبونات مجانية … تقدر تدخل تلاقى التلات كورسات من هنا : https://www.udemy.com/user/eslam-osama-algwaily/

و بعد ما تسجل (مجاناً ) فى الموقع .. إختار الكورس اللى يعجبك ( أو التلاتة لو عايز ) .. حتلاقى فى سؤال (زى اللى فى الصورة : have a coupon ?) … أضغط عليه و حط الكوبون : EIDSA3EED حتلاقى السعر أصبح 0 $ .

فى 200 كوبون لكل كورس . و بالنسبة لأى حد شايف البوست ده .. و كان خد الكورسات و لسة المفروض إنه كان يبعت حسابهم ( ناوى … أو مش ناوى بس ضميره بيأنبه ) … إعتبر الحساب وصل بالكامل خلاص :) .. و كل سنة و أنتم جميعاً بخير .

الهدية الثانية :

أنا عارف إنى مقصر جداً و سئ للغاية و متأخر دائماً فى الرد على الرسايل و الأسئلة على الماسنجر.. فباعتذر :) … لو فى أى سؤال عندك فمجال من المجالات اللى بافهم فيها على قدى شوية : ( freelance , upwork, graphic design , motion graphics, affiliates , ecommerce , social media , engineering , writing , … ) . رجاء إما أن تكتبه فكومنت على البوست ده .. أو تبعته فرسالة ماسنجر مسبوقاً بكلمتى ( سؤال لايف ) فأول سطر للرسالة .. و ححاول فأول يوم عيد إن شاء الله إن كان عدد الأسئلة كبير فعلاً إنى أطلع لايف فيديو أجاوب مجمعاً على الأسئلة دى قدر علمى إن شاء الله .

و كل سنة و أنتم جميعاً طيبين مرة أخرى .