مكالمة مع خدمة عملاء ( we) حالاً
- يا حبيبى ده تامن شهر ليا معاكم .. المفروض إنها كل شهر الساعة 12 بالثانية تشتغل أوتوماتك .. ولا هو فى حد بيعمل الحاجات دى مانوال عندكم ؟
مكالمة مع خدمة عملاء ( we) حالاً :
- السلام عليكم .. أنا فلان الفلانى .. رقمى (كذا) .. مشكلتى إن الكووتا ماتجددتش و هى المفروض تتجدد الساعة 12 . = تمام يا فندم .. هو ظاهر عندى عالسيستم إنها إتجددت .
- تمام يا حبيبى .. هو ظاهر عندى عالإنترفيس بتاعكم إنها ماتجددش .. و السرعة لسة واحد ميجا . = تمام يا فندم .. هو ظاهر عندى عالسيستم إنها إتجددت … إعمل لوج أوت من الموقع و لوج إن تانى حتلاقيها إتجددت.
- يا حبيبى أنا باقولك السرعة نفسها لسة واحد ميجا .. مش الموقع مكيش .. = أيوة يا فندم بس هى ظاهر عندى إنها إتجددت ..
- عليك الطلاق مصدقك .. بس مازالت السرعة عندى واحد ميجا و عايز أخلص شغلى . = إنتظر بس شوية لحد الصبح حتلاقيها إتجددت .
- يا حبيبى ده تامن شهر ليا معاكم .. المفروض إنها كل شهر الساعة 12 بالثانية تشتغل أوتوماتك .. ولا هو فى حد بيعمل الحاجات دى مانوال عندكم ؟ = لا يا فندم .. مش مانوال طبعاً .. إنتظر شوية حتلاقيها إتجددت ..
- لحد الساعة كام يعنى ؟ = عالصبح يعنى يا فندم .
- !!!
- الصبح اللى هو الساعة كام ؟ = لحد ما تسمع فى السيستم يا فندم … و بعدين هى إشتغلت المفروض يا فندم .
- يا حبيبى أنا معايا شهادات كافية تثبت إنى كفاءة إنى أحكم سرعة النت عندى كام . = هى حاتسمع بس فى السيستم يا فندم ..
- طب هى جاية فإيه ؟! = هى مين يا فندم ؟
- شكراً يا حبيبى خلاص حانتظر . = أى أوامر تانية يا فندم ؟
- حسبنا الله و نعم الوكيل .