ده الجزء التانى من البوست اللى الجزء الأولانى بتاعه ده

ده الجزء التانى من البوست اللى الجزء الأولانى بتاعه ده : https://www.facebook.com/korionx/posts/10155019910909716

المشكلة كانت إن الموضوع كبير … جداً .. جداً … و بيكبر بمعدل متزايد كل يوم .. يعنى إيه ؟ يعنى دلوقتى إنت لو رايح تاخد كورس فوتوشوب مثلاً .. حتلاقى ناس من كل إتجاه و خلفية موجودين معاك عشان ياخدوا نفس الكورس .. بس كل واحد جاى ياخده لسبب مختلف بالكامل .. يعنى حتلاقى : طالب فنون جميلة اللى عايز الكورس عشان كليته الماركتير اللى عايز الكورس عشان شغله الفريلانسر اللى عايز الكورس عشان فريلانسه المدير اللى عايز الكورس عشان يعرف يدير اللى بيشتغل الشغلانة تحته الصيدلى اللى عايزه عشان هوايته الرسام اللى عايزه عشان ينمى مهارات رسمه اللى جاى يجرب و مش عارف هو عايز إيه اللى جاى يهزر و بعدين يلاقى الموضوع عجبه اللى جاى عايز الموضوع جد و بعدين لقاه صعب فقرر يغير رأيه و يهزر و أكتر بكتييييييير .. … و مش بس كده .. .. البرنامج نفسه ( adobe photoshop) لوحده .. بيقدم عشرات المجالات المختلفة اللى كل واحد فيهم عبارة عن صناعة كاملة لوحده .. logo design , digital painting , character illustration , photo retouch , advertising , brochure and flyer design , cinematic poster design , compositing , … and moooore . … فده بيحطنا كده فمعضلة ضخمة .. ألا و هى : horizontal vs vertical “لو كنت شفت فريندز أكيد حتفتكر جولدبلوم و هو بيقولها لجوى .. ما علينا :D :D ” … يعنى تدرس البرنامج أفقياً ولا رأسياً .. يعنى تدرس من كل حاجة أساسياتها و اللى يعجبك تكمل فيه إنت مع نفسك ؟ .. ولا ناخدك من البداية فطريق مركز و نعلمك كل حاجة و خدعة فيه ؟ و لا نعلمك بنفسنا كل حاجة فكل حاجة .. و تبقى مدة الكورس تلات سنين مثلاً و سعره عشرميت ألف جنيه ؟!!! … ماتنساش إنى كده باتكلم عن برنامج واحد من بتاع 15 برنامج كنت ذكرتهم فى البداية (فى البوست الجزء الأول ) … و لسة ماجبتش سيرة المهارات كمان .. … و ماتكلمتش حتى عن الأفتر إيفكت و كل ما فيه و ليه و عليه .. . كان فى مقال قريته من kansas university بيتكلم عن الموضوع ده بإستفاضة .. مين يدرس الموشن جرافيكس .. و مين يدٌرسها ؟! .. عند هنا يبقى فى سؤالين : 1- طب إيه الحل ؟ 2- هو إنت (اللى هو أنا يعنى ) بتعرف تعمل ده كله ؟! .. و بتعرف تعمل ده كله إزاى ؟! .. الإجابة على السؤالين أعتقد فى الجزء اللى جاى .. التالت . رجاء إقراه .