على بركة الله .. البوست ممكن يطلع طويل شوية ..

على بركة الله .. البوست ممكن يطلع طويل شوية .. مش عارف لسة !! .. حانشوف ..

البوست طلع طويل فعلاً فقسمته على أجزاء … ده الجزء رقم واحد …

[photoshop - after effects - premiere - audition - illustrator - lightroom] [ Microsoft office ( word , power point , visio , access , excel , one note )] camtasia , suitecase fusion , manga studio .

1- اللى فات ده (( جزء )) من البرامج اللى باستخدمها بشكل يومى تقريباً فشغلى … … Marketing 101 , Game design elements art and composition in photography color theory basic design skills digital photography Game theory basic math skills Psychology and color perception 101 image and video compression 101 web design web development advanced research skills 2- اللى فات ده (( جزء )) من المهارات اللى باطلبها فأى حد بيشتغل معايا بشكل مباشر .. و اللى باستخدمها شخصياً برضو بشكل يومى تقريباً .. … من أكتر من سنتين تقريباً و إحنا بنبنى (تشكر ) كنت بواجه نفس المشكلة .. محتاج ناس عندها تشكيلة من المهارات دى .. و كان أحد العملاء اللى بنتعامل معاهم فى الوقت ده صاحب مركز تدريب و recruiting .. طلبت منه ي (recruit ) ناس عندها الإمكانيات دى عشان محتاجهم .. رد عليا إن النوعية دى فعلاً نادرة .. و إقترح عليا شىء .. غير جزء كبير من حياتى خلال السنتين اللى فاتوا .. .. إقترح عليا إنى أدرس كورس فيه اللى أنا محتاجه من الناس .. و اللى يطلعوا معايا من الكورس .. يشتغلوا .. الفكرة بالنسبة لشخص عايش قدام جهاز الكمبيوتر 25 ساعة فى ال 24 ساعة .. كانت مش sexy إطلاقاً فى الوقت ده .. ماكنتش جربت التدريس قبلها غير محاضرات متفرقة هنا و هناك .. وبالمقارنة بأحد أساطير مجال التدريس فوجهة نظرى : أحمد الجويلى خصوصاً إنه أخويا .. كنت شايف إنى مش حاكون أبداً بالبراعة اللى هو بيمتلكها لما بيقف يحاضر .. .. زى أى مهندس .. قررت إنى أعمل حاجتين .. 1- أفضل وسيلة للتجربة .. هى التجربة :D 2- أدور على طريقة أخلى بيها الموضوع أوتوماتيك . .. بالفعل قررنا نبتدى نحضر لمجموعة دورات عن الجرافيكس بس فى الوقت ده .. و من ناحيتى .. بدأت (علشان أدرب نفسى ) أسجل المحاضرات beforehand على هيئة ما هو معروف الآن ب : مجموعة كورساتى على udemy.com موضوع إزاى عرفت عن يوديمى و كده ممكن نذكره فقصة تانية .. … و بدأت تدريجياً أكتشف جينات (المحاضر) جوايا .. و بدأت أستمتع بإستعادة لحظات التعلم أول مرة فعنين اللى قدامى كل مرة يتعلموا حاجة جديدة … و كالمعتاد فى أى شىء باعمله .. إنى أذاكره بإستفاضة .. بدأت أذاكر كل ما له علاقة بمهارات التدريس و المحاضرة .. … و بدأت أدخل بالفعل جوة الصناعة دى بالكامل .. صناعة الكورسات .. و بقيت بادرس فى تلات محافظات .. (دمنهور - قاهرة - إسكندرية) .. لحد ما توليت (نسبياً ) إدارة أكسفورد بدمنهور لفترة مؤقتة .. و لكن .. … بعد إنتهاء كل كورس أو دورة أقدمها .. كنت بادور .. أشوف الناس اللى خدت معايا الكورس .. حالياً فين و بتعمل إيه ؟! .. نسبة قليلة - جداً - كانت بتكمل بنفسها و تبدأ تشتغل على نفسها و توصل لمرحلة أعلى .. و نسبة كبيرة .. كانت بتدخل فكورس تانى .. و تالت .. و رابع .. و نسبة طلبت منى ( الكورس الجاى الأدفانسد إمتى ؟ ) و نسبة كانت بتطلع من الكورس زى ما دخلته .. ماستخدمتش المعلومات بتاعته بأى شىء .. نهائى :( :( . … الموضوع ده خلانى أسأل ( المشكلة فيا ؟! .. أنا اللى مش بادرس كويس أو مش باوصلهم على الطريق السليم ؟! ) . فبدأت أدور على كل اللى بيدرسوا فى المجالات دى و أشوف .. النتيجة من كورساتهم إيه ؟ .. اللى إكتشفته إنها (مشكلة عامة ) ” عبد الرحمن أبو زهرة ستايل ;) ” .. و إن فى مشكلة أساسية فى الصناعة دى هنا .. مشكلة ضخمة .. جداً .. . كمل فى الجزء التانى :) :)