رفيق المواصلات والمشى مسافات طويلة مؤخراً ... تقريباً 40% منه
1- فكرة العالم ما بعد المحرقة (شكراً د أحمد خالد توفيق) فكرة تم هرسها بشدة خلال ال50 سنة الأخارى .. و لكن فكرة العالم أثناء المحرقة فوجهة نظرى مادة ثرية بشدة لتحليل النفس البشرية .
رفيق المواصلات والمشى مسافات طويلة مؤخراً … تقريباً 40% منه لحد دلوقتى الكتاب فيه حاجات كتيييييير رائعة فوجهة نظرى .. بما يكفى إنى النهاردة كنت بافكر جدياً أعمل فيديو لايف أقول فيه التفاصيل دى .. لكن ححاول ألخص سريعاً عدد من النقط فيهم رد فعل إسقاطى على بعض من التريندز الأخيرة اللى بتتغذى على إنتباه الناس لها : 1- فكرة العالم ما بعد المحرقة (شكراً د أحمد خالد توفيق) فكرة تم هرسها بشدة خلال ال50 سنة الأخارى .. و لكن فكرة العالم أثناء المحرقة فوجهة نظرى مادة ثرية بشدة لتحليل النفس البشرية . 2- بما إنى خلال السنتين الأخارى إتغمست نسبياً فعلوم البروجكت مانجمنت و الستارت أبز وكل ده .. الكتاب ده طريقة مناقشته للتفاصيل و أدق أدق التفاصيل الهندسية و التقنية و كيفية إدراتها فوقت أزمة زى اللى فى الكتاب .. فعلاً شىء ملهم و محفز . 3- الكتاب بيتعامل مع العلاقات البشرية و المشاعر كأنها ثانويات غير مؤثرة على سياق الأحداث .. و بتيجى في المرحلة الخامسة أو السادسة فى أولويات أى بطل من أبطال الكتاب بعد التفكير المنطقى العقلانى البحت … و ده بيمزجنى بشدة الصراحة .
التفاصيل أعمق و أشد جاذبية من مجرد الكلام ده .. و بنسبة 75% إن شاء الله حاعمل فيديو لايف عنه قريباً .. و الله أعلم