اللى يعرفونى كويس عارفين إنى مطلق التيليفزيون المصرى و العربى

اللى يعرفونى كويس عارفين إنى مطلق التيليفزيون المصرى و العربى بالتلاتة من بتاع 9 سنين تقريباً .. و إن ولا حتى محلل ممكن يرجعنى أتفرج على أيتها حاجة فيه .. بس المشهد ده طلع فى النيوز فيد بتاعى 3 مرات خلال يومين .. حاتكلم عنه شوية ..لأن بالرغم من صدق كل حاجة فيه .. كان ناقص حاجة صغننة ..
.. ماعرفش المسلسل إتكلم عنها ولا لا .. بس هى فى الرواية . . أنا قريت “ربع جرام” فى الجيش .. رواية بتاع 800 صفحة .. تقريباً كل اللى كانوا معايا .. تناوبوا على القصة .. و قروها .. بالكامل .. ناس أساساً مالهاش أوى فى القراية .. ولا روايات .. ولا أى حاجة .. و رد فعل الناس كان بيدور كله حوالين تلات كلمات “دى بتتكلم عنى ” … ساعتها فعلاً رجعت أفكر تانى فى الرواية .. بس المرة دى و أنا مركز على كل اللى قروها و شافوا فيها نفسهم .. الرواية حسست كل واحد منهم إنه مش لوحده .. و إن فى غيره عاش بالظبط فنفس اللى هو عاشه و بيعيشه .. بس من كل اللى إتكلمت معاهم بعد كده .. و عرفت إنهم فعلاً تحت سيطرة المخدرات .. العامل المشترك الوحيد .. هى الشلة و الصحاب اللى بيكونوا معاهم .. الصاحب الجدع المخلص اللى يفديك برقبته و يرمى نفسه تحت القطر عشانك .. بس هو أساساً فى حاجة غلط .. مدمن لحاجة غلط .. “بيضرب مخدرات , عاق لوالديه , بيزنى “بأى شكل” , .. ” مش هو ده اللى المفروض يكون أقرب أصحابك أو رفيق دربك .. ببساطة .. إخلاصه الضخم ليك ده بيكون معظمه تعويض لخطأ ضخم فحياته .. و شىء بيخليه يبرر لنفسه إنه غلط بإنه يقول لنفسه .. أنا كويس لأنى مش خاين لصاحبى .. و طبعاً هنا لازم أفتكر المثال المقرف بتاع أحمد السقا و هو بيقول لعشرى “أنا عملت كل حاجة غلط ممكن تتخيلها ..إلا إنى أخون واحد صاحبى ” .. و الناس صقفت و هيييييييييه و ناس دمعت … عشان مبدأ مغلوط إبن ستين فسبعين يترسخ فذهن الناس .. و هو إنك لو بتعمل كل حاجة غلط .. بس مصاحب صاحبك زى عادل إمام و سعيد صالح .. يبقى إنت “هأاو” بطل .. . الصاحب اللى من النوعية دى .. حيوديك فستين داهية .. الصاحب هو اللى لما تعوج .. يعدلك .. بالنصيحة .. و لو كان صاحبك قوى .. يعدلك بالجزمة .. و فايس فيرسا . من كل المدمنين اللى شفتهم فحياتى .. 100% منهم صاحبهم اللى ضيعهم .. من أول السيجارة لحد القااااااااااع . بس يعنى .. عشان ماجد الكدوانى ماجابش سيرة إصحابه فى الحتة دى .. و اللى ماقراش الرواية ولا شاف المسلسل يبقى عارف .

@[100002033610510:2048:Eslam O. Zahran] @[719830255:2048:Eslam Saleh] thanks dudes