لو البوست حيريحك .. لو سمحت ماتنزلوش

لو البوست حيريحك .. لو سمحت ماتنزلوش . لو البوست حيحسسك أنك بتشارك أو بتعمل حتي ١ علي مليون من اللي عليك … لو سمحت ماتشيرووش . لو البوست حيريح ضميرك و يخدره … رجاءا ماتكتبوش . الا لو … إلا لو انت شايف إن دي هي كل قدراتك … كل طاقتك .. كل اللي تقدر عليه … .. لو كل اللي عقلك مصورلك انك تقدر عليه و المفروض تعمله هو انك تنزل بوست .. عشان غيرك يشوف و يفكر … أو يشوف و يحاول أنه يخلي قدراته اعلي من مجرد بوست .. .. ففي الحالة دي أنا آسف لك .. كنت فاهم غلط معلش .. كنت فاكر انك بشر بقدرات بشر … مش مجرد .. بوست . استناك البوست الجاي و عليك بخير .. … بس أنصحك جرب تحوش المشاعر دي .. بدل ما تنفسها اول باول في بوستات … يمكن لو كتمتها شوية.. تحرك تروس مصدية جواك . و تحاول تفكر شوية .. ليه … ليه وصلت إن كل اللي بتقدر عليه .. مجرد بوست