أفكار مالهاش لازمة من عقل ADD

أفكار مالهاش لازمة من عقل ADD

صحيت الساعة 5.30 فجراً بالظبط .. و حاسس إن فى شطة فى عينيا .. ماكنتش مفاجأة لأنى باعانى بقالى 3 أيام منذ عودتى من سوهاج من دور برد محترم .. بس كان بقالى كتير ماشفتش عينيا باللون الأحمر ده .. أول حاجة فكرت فيها أول ما شفت عينى فمراية حوض الحمام و أنا باتوضى .. هى : “شارينجان .. حققت أول خطوة فى إيقاظ قدراتى الكمينة .. المرحلة الجاية إنى أطلع السوسانو ”

• السطر اللى فات ده نتيجة إنى باقالى أسبوعين بالعب Jump force و بافتكر الأيام الخوالى- … و بعدين لقيت عقلى قاعد بيكرر جملة ” أربع أيام من البرد” .. ” أربع أيام من البرد ” … “أربع أيام من البرد” . .. فلقيتنى بافتكر ” مائة عام من العزلة ” .. رواية جابرييل جارسيا ماركيز .. .. عمرى ما قريت الرواية دى .. بس سمعت عنها كتير من أكتر من مصدر !! .. أول مرة فاكر إنى سمعت عنها كان ففيلم لكريم عبد العزيز تقريباً .. مش فاكر أنهى .. بس هو قديم أوى .. و كان بيقول للبطلة تقريباً إنه قرأه فى السجن ! . .. علق معايا إسم الرواية … و بعدين سمعت عنها مرتين تانيين أعتقد على مدار السنين .. و مؤخراً من يومين شفت مقال مش فاكر فين .. إن للمرة الأولى من زماااان فحت .. عيلة المؤلف .. وافقت على منح حقوق تحويل الرواية لمسلسل ل : نتفلكس . … قاعد على المكتب بقالى ساعتين .. و كل شوية عقلى يكرر ” أربع أيام من البرد” .. ” مائة عام من العزلة ” … و يكرر تانى .. .. فتحت يوتيوب .. و كتبت 100 years of solitude .. و شفت فيديو تيدكس أنيميشن سريع بيحكى عن الرواية و هى إيه و تفاصيلها و كده .. .. همممم .. كنت عارف إنها مشهورة .. بس ماكنتش أعرف إن المؤلف خد عليها نوبل ! … .. بالمناسبة ADD = attention deficit disorder إتضح إنى كده من زمان … بقالى 5 شهور باكتشف كل حاجة فى الموضوع ده . مفيد أحياناً … متعب أحيان أخرى … جداً .. زى النهاردة الصبح كده ..