من الأقوال الرائعة لـ بروس لى

من الأقوال الرائعة لـ بروس لى : أنا مابخافش من الخصم اللى إتمرن على ألف ركلة مختلفة مرة واحدة , أنا بخاف من اللى إتمرن على ركلة واحدة بس .. ألف مرة .

المقولة دى من الكتاب الرائع اللى براجعه حالياً ( للمرة التالتة ) the little book of talent . كتاب رائع .. و يستحق إنى أكتب عنه بوست تلخيصى منفرد خلال الأيام اللى جاية إن شاء الله . … قريتها كذا مرة قبل كده .. بس إمبارح لما سمعتها و أنا فى الجيم .. (و كان عندى تمرينة ضهر ) .. فضلت أفكر شوية .. هل ينفع تطبيق مقولة من عالم الفنون القتالية .. على عوالمنا الحالية ( أكاديمياً و تكنولوجياً و مهنياً و … ) … ؟! … لما قررت إنى أكرس جزء كبير من وقتى و مجهودى على مدار التلات سنين اللى فاتوا للتدريس .. (مجال الجرافيكس ) . “و اللى حضروا معايا كورسات ممكن يفتكروا كلام من ده ” .. بدأت بإنى قسمت المهارات المطلوبة لإحتراف برنامج معين من برامج أدوبى (فوتوشوب ) مثلاً .. لأقسام أساسية : 1- معلومات أساسية . 2- مهارات دقيقة . 3- مهارات كبيرة. …

• المعلومات الأساسية على سبيل المثال ( يعنى إيه بكسل , يعنى إيه إمتدادات الصور png-jpeg .. , يعنى إيه فكتور أرت و راستر أرت … ) . اللى هى المعلومات اللى بتكون لغة العالم ده … اللى لو دخلت أى محاضرة للفوتوشوب أو الجرافيكس فأى مكان فى العالم .. حتلاقيهم بيستخدموا نفس المصطلحات .. … ** المهارات كبيرة : ( كيفية تقسيم الشغلانة الكبيرة لشغلانات صغيرة جوة البرنامج , تظبيط البرنامج إنه يشتغل كويس على إمكانيات الجهاز , تظبيط المشروع و تنظيمه عشان لو بتشتغل ففريق , … ) . اللى هى المهارات اللى لو حتمتحن إنترفيو فأى شركة عشان تتقبل جونيور على الأقل .. لازم تكون عندك . … *** المهارات الدقيقة :

• كيفية إستخدام أدوات القطع ( lasso’s) بدقة و سرعة و كفاءة .
• كيفية فصل الألوان بسرعة و دقة و كفاءة .
• كيفية إستخدام الأشكال و الفيكتور أرت .. بسرعة و دقة و كفاءة . … و هكذا .. اللى هى الحاجات اللى بتفرق برنس محترف عن .. واحد لسة متعلم جديد .. … بسرعة … و بدقة … و بكفاءة . … التلات كلمات دول .. هما المفتاح للبوست فوجهة نظرى .. أى مجال أو عالم تانى .. حتلاقى إنه برضو ينفع تقسيمه للتلات أقسام دول .. ( معلومات أساسية , مهارات كبيرة , مهارات دقيقة ) . بس زى ما فى كتاب the little book of talent بيوضح : إن طريقة تعليم المهارات الدقيقة .. لازم تكون مختلفة عن طريقة تعليم المهارات الكبيرة .. … بمعنى : … معلش برضو لو حنستخدم الفوتوشوب كمثال سريع هنا : عدد كبير من اللى إتعلم الفوتوشوب مع نفسه .. حتلاقيه إتعلم طريقة معينة مثلاً لتوضيح ألوان الصورة و تمييز مناطقها عن طريق تسلسل يدوى من الadjustment layers .. و مهما حاولت تعلمه بعد كده .. إنه يقدر يوصل لنتيجة أفضل و أسرع عن طريق فهمه لمفاهيم أساسية فتكوين نسب الأبيض و الأسود و مستوياتها فى الصورة .. حتلاقيه بيواجه صعوبة فده . … بالظبط زى فى الجيم … ناس كتير إتعودت تلعب تمرينات معينة بشكل معين .. و لو بعد كده حاولت تفهمها إن فى طريقة أفضل و أسرع و أكثر كفاءة للوصول للنتيجة المرغوبة … بيواجه صعوبة فإنه يلعب التمرين بالشكل الجديد . … ده لأن (زى ما الكتاب بيقول ) .. عقل الإنسان بيواجه صعوبة ضخمة فمسح المهارات اللى هو إتعلمها بالفعل .. و لكن الأفضل دايماً هو إنك تكون مهارات جديدة . … عشان كده فى المهارات الدقيقة … لازم يتم التركيز من أول لحظة على تعلمها بشكل صحيح 100% و بكل دقة .. و التكرار مئات المرات .. لحد ما عقلك و عضلاتك يحفر الممرات الصحيحة للمهارات دى . … بالظبط زى أى آلة موسيقية ( ما زلت باتفحت فتعلم الكمانجا ) .. Up like a rocket, down like the rain. Back and forth like a choo-choo train.

---

و هنا لازم نوضح إن فى مستوى تانى .. اعلى من مستوى بروس لى فى المجالات التكنولوجية … .. لأن لما بروس لى قال ( إتمرن على الركلة الواحدة ألف مرة .. ) ماكانش يعرف إن حيبقى في كمبيوتر .. تقدر تقوله ( أركل ألف مرة ) .. فينفذ . … الكمبيوتر و التكنولوجيا فحياتنا أحد وظائفها الأساسية هى دى … زيادة كفاءة الأنشطة اللى بنقوم بيها . مش عشان نأنتخ إحنا بقى و نطنش .. لا … عشان نفضى دماغنا إحنا لأنشطة جديدة .. … فمثلاً : فى حاجة إسمها subliminal messaging بيتم إستخدامها بشدة فى الأعلانات .. و هى وضع رسائل بصرية معينة خافتة جداً و قد تكون غير ملحوظة للوهلة الأولى .. و لكنها متكررة .. جداً.. فأكتر من شىء .. و بالليل .. لما تنام .. عقلك الغير واعى بيبدأ يسترجع كل أحداث اليوم .. و يطرح منها الأحداث اللى عقلك الواعى ركز عليها .. و يروح هو يركز بقى مع ال subliminal messages دى و يطلع منها جزء كبير من أحلامك .. .. سيادتك بتبص على شاشة موبايلك بمعدل مرة كل 7 دقائق .. لمدة دقيقة ( ده لو إنت إنسان عادى ) .. لو حطيت أى حاجة على شاشة موبايلك الـ home screen .. زى widget .. تطلعلك أخبار مركزة من مجال معين .. او معلومات من مجال معين .. او حتى كلمات من لغة جديدة فى برامج كتير فحت ممكن تقدملك ده .. مش لازم أحط لينكات هنا يعنى .. .. حتلاقى نفسك بتزود معدل إستيعابك للمجال أو العلم أو اللغة دى بشكل ضخم … بدون ما تشعر إن ده مجهود إنت بتبذله .. .. ببساطة .. إنت خليت عقلك الغير واعى يتمرن على ركلة واحدة .. ألف مرة .. .. نفس الشىء ممكن تجربه على شاشة الكمبيوتر بتاعتك طبعاً .. باب التلاجة بتاعتك .. باب أوضتك … باب دولابك .. … و الله أعلم . … البوست ده باللينكات اللى فيه ( و معاهم لينك الكتاب .. فى الرابط اللى ده : )