كان حيبقى تعليق على فيديو مشيره بس طول و بقى

كان حيبقى تعليق على فيديو مشيره بس طول و بقى بوست منفصل **** و مش مقصود بيه أى حد إطلاقاً .. لأنه بينطبق على 90% تقريباً ***

• رجاء شخصى جداً … ده بعد إذنكم يعنى :) حازود حاجة كمان مهمة أوى أوى جداً والله العظيم .. و آسف يعنى لو كانت علاقتها بالفيديو من بعيد شوية : لما تبعت لى (أو لأى حد تانى الصراحة ) رسالة محتاج منى فيها رد على شىء أو سؤال أو طلب ما … إكتبلى المسئلة او السؤال أو الطلب تفصيلياً فى أول رسالة .. مش أول رسالة تكون ” باشمهندس ” و بعدين ” أخبارك ؟ ” و بعدين صمت !!! فهمت دلوقتى إيه أنا ؟!! مش حازعل والله إنك ماكلمتنيش من تلاتين سنة و جيت فبالك بس لما إحتجت شىء ما .. بالعكس ده الصح .. و أنا اللى عارفنى كويس عارف إنى نادراً لما باكلم أو أتصل بحد بدون سبب … ربنا يا جدع بيخلينى أو يخليك سبب لمساعدة شخص تانى .. لكن لمدة 4 أيام مثلاً من ال ( باشمهندس / حبيبى / أخبارك ؟ / كله تمام و إنت ؟ / كله تمام و إنت ؟ / كله تمام و إنت ؟ / / كله تمام و إنت ؟/ كله تمام و إنت ؟/ كله تمام و إنت ؟/ كله تمام و إنت ؟/ كله تمام و إنت ؟ / كله تمام كنت باقولك / أؤمرنى / الأمر لله / :) / كنت محتاجك فطلب / أؤمرنى / الأمر لله / :) / كنت عايز أسألك سؤال / حبيب قلبى أبوس إيدك أؤمرنى / الأمر لله / : ) / إنت فاضى ؟ / فضيتلك نفسى تلات أسابيع قدام .. بالله عليك قول .. أؤمرنى و أنا عارف إن الأمر لله .. و أخبارى كويسة الحمد لله .. و كله تمام … / لا خلاص شكلك مش فاضى و ححاول أكلمك فوقت تانى إن شاء الله ) أنا باكون عصرت 3 stress balls قدامى عالمكتب و فكرت جدياً إنى أمسح أكاونت الفيس و الواتس و الفايبر و اللاين و ما شابه .. .. بالله عليك رسايل الفيس عاملها زى الإيميل الفورمال بتاع زمان .. اللى هو مليان كل التفاصيل و متراجع عليه عشان الواحد يقراه يعرف حيعمل إيه إمتى و إزاى .. ال24 ساعة والله غاليين أوى .. و لو عايز تسأل عليا و تطمن و نتواصل و الكلام ده .. برضو إكتبلى كده فرسالة مفصلة .. حرد عليك والله … و تحت أمركم كلكم و الأمر لله و أخبارك ؟ و الله أعلم