الأعمار بيد الله .. مفيش مشكلة

الأعمار بيد الله .. مفيش مشكلة . عمر البنت و قدرها و قضاء الله .. مفيش مشكلة . الدكتور عمل اللى عليه و طبق النظام و اللوايح .. مفيش مشكلة . … المشكلة هى : شخص .. ولد أو بنت .. يوصل سنه لحاجة و عشرين سنة .. لسة ماعملش أيتها حاجة على الإطلاق .. و لسة بيفكر يبتدى أساساً حياته بعد ما يخلص ال18 سنة عبودية إجبارى داخل نظام تعليم أساساً مش على خريطة العالم .. المشكلة هى إن الشخص ده يدى أى أهمية على الإطلاق لنظام ورقى بالمنظر ده !! ويكأن العالم لسة زى ما كان من 15 سنة مثلاً !!

يعنى لما يبقى الأغلبية من الناس اللى بيكلمونى عشان شغل أو إستشارة أو أياً كان .. عندهم كمية من العقد النفسية تجاه التعليم .. بسبب النظام العبقرى بتاعنا ..

و لما يبقى العالم أساساً بدأ يثور على نظام تعليمه “اللى هو يعتبر 300-400” سنة متقدم عننا ..و هنا لسة مديين للنظام التعليمى أهمية !!

دى طبعاً مش أول مرة تحصل … ولا آخر مرة حتتدمر أو تنتهى حياة شاب أو شابة بسبب نظام تعليمى حجرى منقرض مهترأ ..

و لكنه بوست أضعف الإيمان .. لا حول ولا قوة إلا بالله