هممممم .. شوية ملاحظات حاسس إنى لازم أكتبهم .. و

هممممم .. شوية ملاحظات حاسس إنى لازم أكتبهم .. و مالهومش علاقة بالواقع خااااااااالص : . 1- الله يكرمك بطل تغلى مية لو مش ناوى تعمل شاى .. و لو حتعمل شاى .. جهزه فى المج قبل ما تغلى المية … if u know what i mean . . 2- الله يكرمك لو ناوى تعمل شاى بشوية مية .. و حاسس إن المية قليلة و مش حتكفى .. ماتزودهاش مية مجارى .. و تقول لما تغلى حتبقى نضيفة .. مية المجارى حتفضل مية مجارى .. if u know what i mean . . 3- الله يكرمك لو خلاص نويت تعمل شاى .. و العيال الصغيرة اللى حواليك فضلت تعيط و تطلب تشرب … طنشهم .. العيال الصغيرة مالهومش شاى .. if u know what i mean . . 4- الله يكرمك لو إنت نفسك فشاى … و شايف الشاى بيتعمل قدامك .. ماتستناش لحد لما يتعمل و بعدين تطلب .. أطلب شاى قبل ما المية تغلى .. مش بعد ما الشاى يتصب .. if u know what i mean . . 5- الله يكرمك .. بفرض إنك من محبى الآيس تى .. و شايف الشاى اللى بيتعمل قدامك كشرى أو ميزة .. إستحمل معلش شوية لحد ما الشاى يتعمل و بلاش دوشة دلوقتى و بعدين إبقى سقعه .. كله أحسن من المشاريب المقرفة اللى بتتعمل من زمان .. if u know what i mean . . 6- أنا أساساً مدمن قهوة مش شاى .. و أرابيكا مش روبستا .. مع معلقة و نص نيدو .. و شوية قرفة و جنزبيل .. u don’t have to know what i mean here :P