I nterested, D iverse, E xercised, A gile. = IDEA

—————————————————————–

يعنى بالعربى : فكرة ….

التقسمية دى لحروف كلمة فكرة بالإنجليزى ( idea ) من الكتاب الرائع ..

idea hunter, how to find the best ideas and make them happen .

لـ :

andy boynton , bill fishcer .

—————————————————————-

قريته من سنة … و راجعته الأسبوع اللى فات عشان إحتجت أفتكر شوية معلومات ..

الكتاب بيتكلم بشكل منهجى على كيفية تدريب عقلك على إنه يـ ( فكر ) بشكل أفضل بكتير .. و يـصطاد الأفكار الجامدة .

..

أحد الأمثلة فى الكتاب عن “جيم كوخ – jim koch ” .. مؤسس و رئيس شركة بوسطن للبيرة .. اللى بتنتج بيرة إسمها .. صامويل آدامز ” مايغركش إنها بيرة .. الراجل مليونير ” .

..

جيم بيقول : إنه عمره ما شاف نفسه رائد أعمال أو واحد بيفكر فأفكار مشاريع ضخمة , لكن لما قرر إنه يغير من نفسه و يحاول يفتح مشاريع ضخمة .. لقى إن الأفكار فكل مكان حواليه ..

و المقولة الرائعة بتاعته :

الموضوع زى موجات الراديو .. الأفكار موجودة فكل مكان حواليك زى موجات الراديو بالظبط .. بس عمرك ما حتشوفهم أو تفكر فيهم .. إلا لو ظبط دماغك عشان يلقطهم .. بالظبط زى ما بتظبط الراديو عشان يلقط الموجات اللى بتسمعها .

……….

……….

تقدر إنك تفكر فى الكتاب ده , إنه بيعلمك شوية طرق ممتازة عشان تظبط دماغك صح .. عشان يلقط الأفكار .

الكتاب أقل من 180 صفحة .. يعنى لو بتقرا إنجليزى مكسر .. تقدر تقرا 3 صفحات فساعة .. يعنى 60 ساعة تقريباً .

يعنى لو بتقرا ساعة فى اليوم .. تخلصه فشهرين ..

شهرين .. بعدهم .. مش حتكون زى قبلهم إطلاقاً ..

…………

الكتاب بيتكلم عن أربع مبادئ .

I – D – E – A

1- خليك مهتم .. مش مهم .

interested not interesting

يعنى ماتحاولش تبقى شايف نفسك إنسان مهم و جذاب و تسعى إنك تكون برنس الشلة … لا .. حاول إنك تكون مهتم بشىء ما .. منجذب لشىء ما .. عندك فضول فشىء ما .. و لو مالقتش أو مش عارف إيه هو الشىء ده .. أدخل على المبدأ التانى .

…..

2- خليك متوسع الأنشطة..

be diverse

يعنى لو إنت دكتور .. إقرا شوية هندسة .. و لو إنت مهندس .. إقرا شوية طب ..

لو إنت مدرس .. إقرا فكل حاجة .. لو إنت بتاع جرافيكس .. إشتغل شوية أى حاجة تانية مختلفة .

الكتاب مليان أمثلة على إزاى إن ناس وصلت لأفكار رائعة عن طريق إنهم دوروا فأبعد الأماكن عن تخصصهم .

….

3- خليك متمرس —- exercised

مش كفاية إنك تفكر فى شىء ما , لا إتمرن عليه , و إتمرن على كيفية التفكير فيه ..

إتمرن على إستخدام عقلك و الطريقة اللى بيفكر بيها .

يعنى لو إنت إنسان بيفكر بالورقة و القلم .. شوف طرق تحسن بيها من الموضوع ده .. زى الديجيتال نوتس أو طرق تدوين مختلفة .

لو إنت بتفكر و بتفهم أحسن بالممارسة اليدوية , دور على طريقة تحول بيها أى علم نظرى قدامك لشىء ينفع تمارسه يدوياً …

يعنى زى أى لعيب ما بيتمرن يومياً على اللعبة بتاعته .. إنت كمان لازم تتمرن على .. التفكير .

….

4- خليك مرن —– agile

يعنى خليك عندك القدرة إنك لما تقابل مشكلة .. تدور على الحل ..

و لما تقابل فرصة .. تلاقى ألف طريقة عشان تتشعلق فيها ..

و لما تقابل حد تانى بعيد عن مجال تخصصك .. تلاقى طريقة إنك تتناقش معاه و تستفيد منه

و عند المرحلة المناسبة … لو إحتجت .. تأرشف الأفكار اللى مالهاش وقت فعقلك دلوقتى .

————————————————–

الكتاب بينتهى بإمتحان من 100 سؤال .. بيحددوا إنت قدرتك على إنك تكون صياد أفكار قد إيه …

مش حاقول أنا جبت كام 😎😎

و لكن أنصحك تاخد الإمتحان بعد ما تقرا الكتاب ..

————————————————–

لتحميل الكتاب : إضغط هنا

و كلام تانى لو ليك مزاج تقراه .. من هنا : http://eslamosama.com/blog/