الكتاب ده كان رفيقى خلال الأسبوعين اللى فاتوا فى التراك أثناء الجرى .. و معظم المشاوير اللى بافضل إنى أمشى لها عشان أكون باسمعه …

..

ماعتقدش إنى أفضل من يقوم بتلخيص أى كتاب لأن التلخيص يعتمد على الحيادية فى النقل .. و أنا غير محايد فوجهات نظرى إطلاقاً .. لذا .. التالى ملاحظات شخصية و لا يعتمد عليها إطلاقاً لتكوين وجهة نظر عن الكتاب بدون قراءته 🙂 .

…

1- بالرغم من إن حياة ريتشارد برانسون ثرية للغاية بالتجارب اللى ممكن إن أى واحدة يتكتب عنها كتاب كامل لوحدها .. إلا إن الكتاب ده بيتكلم عن الشخصية نفسها .. و مش التجارب اللى الشخصية دى خاضتها .. و دى حاجة فعلاً عجبتنى فى الكتاب … مقارنة بكتب بايوجرافى تانية قريتها .. الكتاب ده بيخليك تشوف الشخصية لوحدها كمنبع ثرى للمحتوى بغض النظر عن التجارب …. و دى وجهة نظر ممتعة للإنسان فى نفسه .

..

2- الكتاب لا يعد بيه إطلاقاً فى وجهة نظرى كمنهج يعتنقه أى مبتدئ فى البيزنس بأى شكل ليه .. و لكنه رائع كقراءة خفيفة عن الشاذ اللى بيثبت القاعدة .

معظم منهج ريتشارد برانسون قائم على إتباع غريزته أولاً كمغامر .. ثم كرائد أعمال ثانياً .. ثم كمدير ثالثاً ..

و هو نفسه شرح فأكتر من نقطة إنه ماكنش بيستلذ ولا يهداله بال .. إلا لما يلاقى الناس ماشيين لمين .. يقرر هو يمشى شمال .. و يثبتلهم إنه هو الصح .. ( عارف الإحساس ده كويس جداًاً اً ) .

لكن عشان تعمل كده .. لازم تعرف إنك بتخاطر طول الوقت .. و لو نجحت مرة :.. حتفشل 5 .. و لازم تكون مستعد تتحمل مسئولية ده لواحدك بس … و عشان كده هو فخور بكون فيرجين لحد النهاردة مالهاش شيرهولدرز و الكلام ده ..

…

3- هو ذكى .. بل .. أذكى من المعدل الطبيعى بمراحل .. زى معظم الناجحين .. و لكنه عنده ميزة تم تنميتها فيه من وهو صغير .. أهم بالنسبالى من كونه ذكى .. ألا و هى الثقة بالنفس ..

الطريقة اللى إتربى بيها ( و بيحكى عنها تفصيلياً فأول الكتاب) .. طريقة رائعة لتنشئة إنسان ناجح بغض النظر عن مستوى ذكائه ..

و إزاى إن أبوه ماضربهوش لما سرق .. بل و دافع عنه عشان يحفظ كرامته .. و بعدين رباه بالأدب بعد كده بمجرد النظر .. لحد ما عرف إن الله حق و عمره ما نسى الدرس ده ..

و إن أمه سابته من هو طفل صغير يغامر بكل ما يملك .. بدون ما تلومه و تتلذذ بلومه لو فشل زى معظم الأمهات ..

…

4- و طبعاً هو بيحكى كتير عن تجربة إنه ماكملش دراسته و طلع من المدرسة من سن 16 سنة .. و فتح أول شركة ليه ( مجلة student) .. أكتر من مرة خلال الكتاب .. و إن إزاى زى ما ذكرت فى نقطة 3 .. أهله ساعدوه بإنهم ماتهموش بإنه بيضيع مستقبله فكل فرصة أتيحت ليهم .. .. و إن حاجة زى كده كانت من أهم نقط إنطلاقته .

….

5- الكتاب رائع و مسلى جداااااا ..

و فأكتر من نقطة فيه أثناء سماعى له .. كنت بانفجر فى الضحك أثناء ما أنا باجرى أو بامشى .. و بالفعل سجلت 4 فيديوهات باتكلم فيهم عنه أثناء ما كنت باقراه عشان (كالمعتاد ) .. بانسى أسجل الفيديو لما أرجع .. و حينزلوا بعد شوية إيديت إن شاء الله (عشان كنت فى التراك و بانهج و عرقااان ) ..

…

but still , the most important thing i’ll say i’ve learned from it, would be :

– if you want a short way to an easy successful business .. start by making your customers happiness and luxury your utmost priority … anything else .. comes after .