البيتكوين وصل لفوق ال16.000 دولار .. إحساس حلو طبعاً إنك لو كنت إشتريت بيتكويناية واحدة على الأقل أيام ما كان ب 120 دولار ( أيام ما عملت سلسلة الفيديوهات اللى بتشرح الموضوع ده … لو ماشفتهاش قبل كدة .. تقدر تدخل على اللينك اللى فى آخر البوست ) .. كان زمانك دلوقتى طاير من الفرحة .
من أكتر الأسئلة اللى إتسألتها زمان أول ما بدأ البيتكوين يعدى الألف دولار .. هو أنا أساساً عرفت عنه إزاى ؟!!
و سبب السؤال بسيط .. هو إن زى ما حصل مع البيتكوين .. بيحصل و حيحصل مع ألف حاجة تانية قيمتها حتنط أضعاف فى العالم السريع جداً اللى إحنا عايشين فيه … فإزاى نعرف عن الحاجات دى فبدايتها ؟!! .
الإجابة .. و هى والله حقيقية 100% .. أنا عرفت عن البيتكوين فأول مرة .. سنة 2012 .. من the good wife
أيون .. ده مسلسل عن المحاماة و القانون .. من أجدع و أجمل المسلسلات اللى تساعدك تبقى بنى آدم أحسن .. كان فى حلقة معينة بتتكلم عن الموضوع ده ..
و بحكم إن الموضوع ده يمس دراستى و شغلى .. عملت سيرش شوية .. و عرفت التفاصيل اللى بعد كده عملت بيها الفيديوهات اللى إتكلمت عليها فوق .
و هى دى الإجابة ..
جزء كبير … جداً .. من معلوماتى باخده بشكل كبير من المسلسلات و الأفلام .. فعلاً .. بس طبعاً مش وقتى كله بابقى قاعد بس مابعملش حاجة غير الفرجة على المسلسلات .. و لكن من زمان و أنا باكره الصمت التام .. فإتعودت إن جزء صغير فى الشاشة التانية اللى عندى على شمال شاشتى الأساسية .. بيبقى دايماً فيه Media player classic و شغال عليه مسلسل .. و كم الإستفادة اللى خدتها من المسلسلات دى غير اللغة و الثقافة … ضخم جداً ..
خد عندك مثلاً يعنى .. أنا ماكنتش أعرف tech crunch .. و عرفت عنه لما شفته فمسلسل silicon valley ..
ماكنتش أعرف Game theory !!!!! … آه والله .. سنة 2008 ماكنتش أعرف حاجة خالص عن حاجة من أهم الأجزاء المكونة لشغلى و طريقة تفكيرى أساساً .. تتخيل عرفتها منين ؟!! .. من مسلسل Numb3rs … و هكذا ..
اللستة دى فيها 16 مسلسل و برنامج من المسلسلات و البرامج اللى علمتنى كتييييييييييييييييييييييير جداً ..
==========================
أساسى و إجبارى إنك تشوفه .. مش مسلسل و لكن برنامج من أشهر برامج الإستثمارات فأمريكا و العالم .. فيه مستثمرين مليونيرات و مليارديرات بيتعرض عليهم أفكار مشاريع .. و بيناقشوا إما يستثمروا فيها أو لا .. حيعلمك فى 8 فصول ( و التاسع شغال حالياً ) .. اللى ماتعلمتوش فى تجارة لا إدارة أعمال .
من أنضف أنواع الدراما اللى إتعملت و شغالة عن عالم الإستثمارات الضخم فى البورصة و العلاقة بين المستثمرين الضخام و مباحث الأموال الأمريكية .. حيعلمك كتير عن كيفية التفكير الإستراتيجى على نطاق مادى ضخم .
من أنضف أنواع الكوميديا عن عالم الشركات الناشئة فى مجال التكنولوجيا و الإنترنت اللى إحنا عايشين فيه … و حيعلمك كتيييير عن اللى بيحصل حالياً فى العالم ده بشكل كوميدى رائع .
حيتحدى دماغك و تفكيرك مع كل حلقة و يعلمك تشوف كل حاجة بشكل مختلف … إجبارى
لو بتكره الرياضة حتحبها .. و لو بتحبها حتعشقها .. و لو بتعشقها يبقى أكيد شفته قبل كدة .
نفس شخصية شيرلوك هولمز بس فمجال الطب .. من أحلى المسلسلات اللى شفتها فحياتى
حيوريك أدق تفاصيل السياسة الداخلية فأمريكا .. بأكتر شكل كوميدى ممكن تتخيله .. بيخلينى أضحك لحد ما أدمع .
عالم المحاماة و القانون .. مش جامد بدرجة الباقيين .. بس حيساعد فتشكيل دماغك بشكل إيجابى
حيساعدك تعلى الIQ بتاعك نقطتين تلاتة على الأقل .
هو المسلسل الأشهر حالياً فمجاله فأمريكا و العالم .. و بيتكلم عن العلم و التكنولوجيا من بعيد لبعيد على خفيف .. مافيهوش إفادة ضخمة .. بس مايخسرش .
من أجدع المسلسلات اللى تشرحلك جزء كبير من العالم القانونى و السياسى و المالى فأمريكا ..
حيخليك تبقى بنى أدم فاهم أكتر و واعى أكتر للى بيحصل حواليك
حيساعدك تفهم كتييير عن تفاصيل الأخبار و كيفية تكوينها .. و إحتمال تحب تشتغل معاهم
من إسمه كفاية إنك تفهم هو بيتكلم عن إيه .. بس الأدهى هو إن مجال الستارت أب دى هو ال …. بيتكوين برضو
شوفه … بس كده … لاازم
16- leverage
تقريباً من أهم المسلسلات اللى حتستمع بيها و حتستغرب ليه ملهاش أجزاء غير 5 بس !!!!
=============================
طبعاً فى مسلسلات أكتر من كده و يمكن أحسن … و يمكن مافتكرتهمش دلوقتى .. بس أكيد إن شاء الله حاكتب بوست عنهم كجزء تانى للجزء ده قريباً .. تابع هنا كمان لو عايز تلح عليا أفتكره بدرى :
https://www.facebook.com/korionx
زمان ماكنش عندى موبايل فيه شاشة ضخمة زى دلوقتى أقدر أشوف الكم الضخم ده فى المواصلات أو و أنا برة البيت أو كدة … دلوقتى إنت تقدر تتفرج علي الكم الضخم ده .. فوقت قليل جداً .. بس لو قدرت تستغل وقتك صح ..
..
و نصيحة .. ماتشوفهمش مترجمين عربى بالله عليك .. شفهم مترجمين إنجليزى أفيد ألف مرة .
