2- لو عندك فرصة انك ترتكب غلطة او ذنب واحد … ماحدش حيحاسبك عليه لا دنيا ولا اخرة … one free pass
حيكون ايه ؟
السؤال ده بيقسم معظم الناس بالنسبالي لقسمين … الاول صريح مع نفسه و اللي حواليه … او التاني مدعين براءة الاطفال … الانسان بيطيع القانون او بيعبد ربنا اما رغبا و طمعا و اما خوفا … الرغبة في الثواب و الخوف من العقاب
قد تتعود النفس و يتم تطويعها كي تحب الطاعة … و لكن مستحيل الا يرغب الانسان في المعصية لان ده بينافي مبدأ جهاد النفس و الثواب علي الطاعة
و بالتالي لما حد بيجاوبني و يقوللي “ولا حاجة … انا مافيش فنفسي اني ارتكب اي غلطة ” باعرف انه اما كاذب علي نفسه او كاذب عليا … من حق متلقي السؤال رفض الاجابة … بعد كل شيء هو مش مطالب بكشف ادق اسراره ليا … لكن هل هو كاشف اسراره لنفسه ؟!

3- مصباح علاء الدين فأيدك … و عندك تلات اماني بس … هما ايه ؟!
الوقت اللي بيستغرقه المجيب علي اجابة السؤال ده احد اهم العوامل اللي بقيم اجابته علي اساسها … هل انت عارف امانيك و اهدافك ايه ؟! … هل هما دايما حاضرين فذهنك و مش ناسيهم ؟!
اللي بيقعد يقول “ايييه … هممممم… اصل … لا … همممم ” و يرجع فكلامه .. او يقول امنية واحدة او اتنين … باعرف انه من النوعية اللي بتقول “اصل … هممممم ” المفروض انك عند اماني كتير جدا … هما ايه ؟! .. و هل بعد تحقيقهم حتحاول ترجع فأجابتك ؟!
4- لو بأمكانك امتلاك قدرة خارقة … حتكون ايه ؟

5- في قصة نهر الجنون … حتشرب من النهر ولا لا ؟

6- الدولة الاسلامية في حالة من اسوأ حالتها …ليه ؟

7- شايف ايه المشاكل اللي في العالم حواليك ؟

8- ايه اللي المفروض ان كل ما تملك التحكم فيه (بما في ذلك نفسك) يفعل او تصبح صورته علشان الاسئلة 6 و 7 يتحلوا ؟

9- ايه اللي مانعك من تنفيذ اجابة السؤال رقم 9 ؟… و اذا كنت بتنفذ وصلت لايه ؟

10- ايه اكتر شيئ يثير غضبك ؟

—————————————————————————————————
انا كنت ناوي اكتب اجاباتي علي الاسئلة دي … بس انا افضل اني اؤجل ده بعض الوقت
لعل و عسي